 |
del.icio.us |
 |
Digg |
 |
Furl |
 |
|
 |
Rojo |
| Add to OnlyWire |
Windows NT (New Technology) Microsoft-en 32 bit-etako sare sistema eragilea da. 386, Mips, Alpha eta PowerPc plataformetan exekutatzen da.
Eduki-taula |
Sarrera
Multierabiltzaile, multiataza, multiprozesadore, multiprozesaketa da eta Unicode kodea onartzen du. NT-ek segurtasun ezaugarriak eta Netware, TCP-IP, NetBEUI komunikazio protokoloak ditu.
Microsoft-en merkatuan daukan nagusitasunak eragin du NT-ren hazkundea eta Netware-ren beherakada sare SEen merkatuan.
NT-ren estazio batek bere baliabideak konpartitu edo beste ordenagailuen baliabideak erabili nahi baditu, lan-taldeen edo domeinuen bidez egiten du. Lan-taldeak, sare txikiko maila bereko estazioak zerbitzatzeko erabiltzen dira (Windows 9x-ek ere badaukate). Aitzitik, domeinuak “NT server”-ekin daude lotuta eta zerbitzari askotariko sare handiei ematen die segurtasuna.
Lan-taldeak
NT-ren estazio bakoitzak, ordenagailu bezala, sare-izen bat dauka. Honela beste sare-estazioen artetik bereizten da eta lan-taldeak sare-estazioak antolatzeko erabiltzen da.
Adb: Beste estazio bateko fitxategi konpartitu bat atzitu nahi da. Horretarako fitxategi-esploradorea erabiliz sare-estazioen zerrenda agertuko litzateke. Ordenagailu asko egonez gero nahi duguna aurkitzea zaila gertatuko litzaiguke. Baina lan-taldeka (sailak, erabiltzaileak, lanak...) antolatuz gero errazago aurkituko genuke ordenagailua. Institutuetan adibidez, zuzendaritzaren, mintegien eta informatika gelen lan-taldeak egin genitzake.
Domeinuak
Domeinua: Komunikazioetan, sistema informatiko bakar baten menpean dauden baliabide guztiei deitzen zaie. LAN baten domeinu bat, segurtasun datu-base baten menpean dauden bezero eta zerbitzari multzoaz osatutako azpisarea da. LAN bat domeinutan zatituz gero segurtasuna eta lana hobetzen dira.
NT-n domeinuan erabiltzaile kontuak eta baliabideak (fitxategiak...) konputagailu zerbitzarian gordetzen dira, lan-taldeetan ez bezala.
Domeinuren zerbitzari nagusia “Primary Domain Controller” (PDC) deitzen da. PDC zerbitzarian erabiltzaile kontuen datu-basea instalatzen da. Honela erabiltzaileek baten bakarrik erregistratu (kautotu) behar dira datu-base nagusian. Erregistratu ondoren, erabiltzaile bakoitzak bere atzipen eskubideen arabera domeinuan dagozkion baliabideak eskuragarri ditu.
Domeinu asko baldin badaude, domeinu bakoitzak izango du bere datu-base nagusia eta erabiltzaileek aparteko kontu bat izan beharko dute domeinu bakoitzean. Hala ere “ Windows NT Server”-eko domeinutan, domeinu arteko konfiantza-harremanak ezar daitezke. Honela lotutako domeinu bien arteko erabiltzaileak baten bakarrik erregistratu beharko lirateke. Konfiantza-harremanak sare administratzaileek ezartzen dituzte.
Erreferentziak
- Sheldon, S: “Aplique windows NT”. Ed. Mc Graw-Hill 1996
