MySQL

MySQL datu-baseak kudeatzeko sistema bat da, MySQL AB enpresak lizentzia bikoitzpean garatzen duena. Alde batetik GPL lizentzia eskaintzen du, baina beraien produktuetan erabili nahi duten enpresentzako lizentzia erosteko aukera eskaintzen du.

Gaur egun, lau milloi ordenagailutan baino gehiagotan instalatuta aurkitu dezakegu [1], bai ordenagailu pertsonaletan software aske bezala erabilita edo produktu komertzialen osagai bezala enpresetako lizentziaren bidez.

Bere kodearen gehiena ANSI C programazio lengoaian idatzita dago.

Proiektuaren historia

SQL lengoaia azaldu zenetik, estandar bezala hartu da erlaziozko datu basetan, 1986. urtean azaldu zen lehen estandarra eta horren ostean espezifikazio anitz agertu dira (SQL:92, SQL:99, SQL:2003). MySQL AB enpresaren ideia izan zen, SQL estandarra betetzea helburu zuen, arintasun, erabilgarritasun eta fidagarritasunik galdu gabe.

Programazio Lengoaiak

API anitz aurki daitezke, zeinek datu-baseak kudeatzeko sistema hau programazio lengoaia askoretan programatzeko aukera ematen dute. C, C++, C#, Pascal, Delphi (dbExpress bidez), Eiffel, Smalltalk, Java ( Baita ere, guztiz java lengoian programaturiko driver bat existitzen da), Lisp, Perl, PHP, Python, Ruby, REALbasic (Mac), FreeBASIC, eta Tcl bakoitza bere APIrekin.

Aplikazioak

Datu-baseak kudeatzeko sistema hau, sistema anitzetan erabiltzen da, bereziki LAMP (Linux/Windows-Apache-MySQL-PHP/Perl/Python) teknologiak erabilita. Adibidez Mediawiki edo Drupal proiektuak bere datu-basek MySQL bidez kudeatzen dituzte.

Kanpo loturak

Commonsen fitxategi gehiago dago honi buruz: MySQL

• www.mysql.com, webgune ofiziala.
• MySQL wiki-tutoriala.
• MySQL-ren erreferentzia eskuliburua