Fiordo

Geirangerfjord, Norvegia.

Fiordoak edo fiordak glaziareek eraturiko haranak dira, kostaldeetan kokatutakoak. Ohi, estuak izaten dira, eta goitiera handiko mendiez inguraturik egoten dira. Glaziazioa oraingo itsas mailara heldu den tokietan aurkitzen dira,hala nola: Errusian, Norvegian, Islandian, Groenlandian, Finlandian, Eskoziako mendebaldeko kostaldean, Kanadako Columbia Britainiarra estatuan, Txile hegoaldean, Alaskako (AEB) hego eta mendebaldeko kostaldean, Ternuako mendebaldeko kostaldean eta Zeelanda Berriko hego-mendebaldean.

Fiordo handienak

Munduko luzeena, Scoresby Sund da, 350 kilometroko luzerarekin. Munduko bigarrena eta Norvegiako lehena, Sognefjörd izenekoa da, 204 kilometroko luzerarekin.

Commonsen fitxategi gehiago dago honi buruz: Fiordo