Article on other languages:
|
Eltziego |
|||
|---|---|---|---|
 Araba |
|||
|
|||
| Izen ofiziala | Elciego | ||
| Antolaketa
Estatua
Autonomia Erkidegoa Lurralde Historikoa Eskualdea |
Espainia Euskal Autonomia Erkidegoa Araba Arabako Errioxako Kuadrilla |
||
| Posta-kodea | 01340 | ||
 |
|||
| Koordenatuak |  Koordenatuak: |
||
| Garaiera | 477-521 m | ||
| Eremua | 16,32 km2 | ||
| Biztanleria | 926 (2004) | ||
| Dentsitatea | 56,74 bizt/km2 | ||
| Distantzia | 46 km Gasteizera | ||
| Euskaldunak | %4,64 (2001) | ||
| Sorrera | 1583 | ||
| Herritarra | eltziegar | ||
| Alkatea | Rafael Cruz Saenz Castro (PSE-EE) | ||
| www.elciego.es | |||
Eltziego[1] Arabako hego-ekialdean dagoen udalerria da, Arabar Errioxa Kuadrillan. Gasteiztik 46 bat kilometrora dago. Izen bereko herria udalerriaren erdialdean dago. Udalak Zieko[2] erabiltzen du webgunean.
Eduki-taula |
Geografia
Ingurune naturala
Erliebe gutxiko eremuan aurkitzen da Eltziego, Mayor izeneko ibaiak udalerria iparretik hegora zeharkatzen duela.
Udalerri mugakideak
- Iparraldean: Eskuernaga, Navaridas eta Guardia.
- Hegoaldean: Cenicero (Errioxako Autonomia Erkidegoa).
- Ekialdean: Guardia.
- Mendebaldean: Eskuernaga, Mañueta eta Errioxako Cenicero.
Historia
Herriaren berri zaharrak baditugu, 1067. urtekoak, hain zuzen, Donemiliaga Kukulako agiri batzuetan haren izena jada agertzen baitzen, El Cieko gisa. 1368ko beste batean, aldiz, Ilciego bezala agertzen zen.
Nafarroako Erresumakoa izan zen 1461 arte, ondoren Gaztelakoa. 1583an, Felipe II.ak hiribildu izendatu zuen, eta Guardiarekiko emantzipazioa lortu zuen, ordura arte haren menpe egon baitzen.
Ekonomia
Eltziego Arabar Errioxako ardoaren ekoizle nagusietakoa da, Guardia eta Lantziegorekin batera. Azken boladan, ardoaren ekoizpenaz gain, gorakada handia jasotzen ari da berauen inguruan sortutako turismoa.
Kultura
Hizkuntza
Gaur egun gaztelania da nagusi. Ezin dugu zehaztu bertako jatorrizko euskara desagertu zen garaia. Hala ere, Eltziegoko euskararen desagerpena nonbait IX. eta XVI. mendeen artean kokatzen da.
Jaiak
- Otsailaren 5an San Blas eguna ospatzen da.
- Uztailaren 2an Santa Isabel ospatzen da, santa horrekin zerikusirik ez badu ere. Egunotan Eltziegoko banderari omenaldia egiten zaio.
- Azaroaren 30an San Andres ospatzen da, Eltziegoko elizaren patroiaren eguna.
Ikustekoak
- San Andres eliza, Eusko Jaurlaritzak 1984an monumentu historiko-artistiko izendatua, baita 2002an Kultura Ondasun izendatua ere. Eraikinak aurrekari gotikoak dituen arren, homogeneotasun- eta trinkotasun-itxura handia du[3].
- Herederos del Marques de Riscal izeneko upategi, spa eta hotela, Frank Gehry arkitekto kanadiarrak diseinatua. 5.000 m2 inguru eraikiak ditu. Hotelak 43 luxuzko gela dauzka. Upategia bisitagarria da.
 Upategi eta hotela |
 Atzealdeko ikuspegia |
 Eraikina testuinguruan |
Eltziegar ezagunak
- Francisco Navarrete (?-1722), Mondoñedoko apezpikua.
- Andres Merino (1730-1787), elizgizon, paleografo eta idazlea.
Erreferentziak
- ↑ Eltziego euskal era arautua Euskaltzaindiaren webgunean
- ↑ www.elciego.es
- ↑ San Andres elizaren izendapena EHAAn
Kanpo loturak
Eltziego Arabar Errioxako turismoko webgunean
Eltziegoko udalaren webgunea- Eltziegori buruzko webgunea
- Eltziego Auñamendi entziklopedian
 |
Arabako udalerriak | |
|---|---|---|
|
Agurain • Aiara • Amurrio • Añana • Aramaio • Argantzun* • Armiñon • Arraia-Maeztu • Arratzu-Ubarrundia • Artziniega • Asparrena • Badaiako Sierra Bravako Komunitatea • Barrundia • Bastida • Berantevilla • Bernedo • Bilar • Burgu • Donemiliaga • Dulantzi • Ekora • Eltziego • Entzia-Iturrietako Partzuergoa • Erriberabeitia • Erriberagoitia • Gasteiz • Gaubea • Guardia • Harana • Iruña Oka • Iruraitz-Gauna • Kanpezu • Kripan • Kuartango • Lagran • Lantaron • Lantziego • Lapuebla de Labarca • Laudio • Legutio • Leza • Mañueta • Moreda Araba • Navaridas • Oion • Okondo • Samaniego • Trebiñu* • Urizaharra • Urizaharra, Lagran eta Lañuko Komunitatea • Urkabustaiz • Villabuena • Zalduondo • Zanbrana • Zigoitia • Zuia |
||
